傑志乘勇撼富力R&F
港超「矛盾對決」旺角場爆發！今晚「中銀人壽香港超級聯賽」上演獨腳戲，「藍鳥」傑志主場迎戰富力R&F。傑志目前5戰2勝3和僅失5球，失球數字為全聯賽最低，今遇火力冠絕港超、累積入球已達「2字頭」的富力R&F，「藍鳥」挾重上勝軌的氣勢火併到底，一場至激攻防戰在所難免！
（on.cc東網周五晚8時直播）
傑志周日大打爭氣波，主場以3比1反勝勁旅東方龍獅，中止6場不勝的尷尬紀錄。總教練施利斯高域（Blaz）稱該場勝仗對傑志有極大鼓舞作用︰「我好開心今個禮拜見到班球員喺訓練上都表現得好好，亦好滿意球隊現時嘅狀況，所有球員都準備好去踢今場比賽！」
Blaz：重點放喺進攻
今夜一戰面對榜首富力，Blaz期望：「雖然富力係聯賽入球最多嘅球隊，但係我哋喺聯賽淨係失咗5球，係防守最好嘅球隊，所以今場波我哋嘅重點會放喺進攻方面。雖然對手進攻能力好強，但係過去一個月我哋喺防守上都做咗唔少工夫，希望今場可以再踢一場好波畀球迷睇！」傑志除前鋒盧卡斯繼續停賽外，其餘球員均可候命。
富力R&F上輪驚濤駭浪下反勝冠忠南區，主教練楊正光認為勝負關鍵並非技術或戰術，而是體能及鬥心，贏波3分亦為未來爭標建立重要基石，而下一步就是今仗擊敗傑志︰「賽前我都有同球員講，對南區同傑志呢兩場波，係我哋希望邁向冠軍嘅第一步，希望逐場去做好，雖然依家好開心暫時上到榜首先，但係之後每一場贏波先係最重要。」
「光Sir」承認對手近況已漸入佳境，故此絕對不能鬆懈︰「傑志喺季初有太多主力受傷，所以令到佢哋表現比較反覆，上場對東方我都有喺現場，佢哋顯示出佢哋嘅決心，見到尤其是費蘭度同基爾頓都好拚搏，球員陸續復出兼且狀態又好，所以預計呢場波都相當難打，要小心部署提防呢兩位球員。」至於傷患方面，上仗因傷缺陣的迪布利將隨隊到港，惟能否正選上陣則有待觀察再作決定。