木狼對勇士一役，杜蘭特成為關鍵人物，加時最後5.5秒，當時勇士落後，杜蘭特起手射入三分球兼博到犯規，以為有機會連攞4分絕殺對手，點知球證吹番轉頭。勇士重新開球，並由今仗攻入37分嘅史堤芬居里射入三分球扳平。當全世界以為需進入第2次加時，點知杜蘭特喺最後0.5秒出現具爭議性嘅推人犯規，結果木狼中鋒唐斯射入第1個罰球，領先131比130，之後故意射失第2球耗盡時間。
杜蘭特咖喱仔嬲到震
勇士兩位球星「咖喱仔」史堤芬居同杜蘭特都對球證科古特兩次判決非常不滿，諷刺對方係今場「MVP」，但勇士教練卡爾反而鬧球員第3節表現太差，否則一早已經贏咗唔使打加時。