仲記得最初上到去廣州嘅時候，好多嘢都唔習慣，其中最唔習慣嘅就係咁高強度嘅訓練。啱啱去嗰陣正值季前，因為要開始備戰，所以有更多關於體能嘅練習，當時我終於明白職業同青年軍嘅分別，練習強度同喺青年軍比真係差好遠，好彩到最後都適應到。
呢一年我最深刻嘅一刻，當然係「菁英盃」對佳聯元朗嘅入球啦！仲記得個波飛入網嗰一刻，突然到自己都唔知點慶祝好！好慶幸可以喺第一年嘅職業生涯，留低一個咁美好嘅回憶。
最後，好多謝自由人足球會畀咗一個機會我，同埋好多謝「楊Sir」、咁多位隊友嘅指點，希望我今年學到嘅，將來可以用番晒出嚟。
專欄輪住嚟
富力R&F球員 李卓翰