理文打少個逼和佳聯元朗
理文有分落袋多得「肥彭」！昨日港超尾場，佳聯元朗在主場元朗大球場擺下擂台，迎戰理文。客軍雖有尼迪利早早開紀錄，惟余煒廉於開賽僅5分鐘就領紅被逐，十人應戰下被元朗連環破門反超前，幸理文憑「肥彭」史提芬彭利拿完場前建奇功，終以2比2完場，各得1分。
史提芬彭利拿完場前扳平
開賽僅3分鐘，理文便憑尼迪利禁區內快射得手，領先1比0，但後衞余煒廉2分鐘後拉跌元朗慕沙，球證何煒昇直接出示紅牌將余煒廉趕出場。多打一人的元朗隨即發動強攻，20分鐘郭子堦右路傳中，慕沙頭槌破網，為球隊追和1比1。換邊後，理文憑反擊製造威脅，惜尼迪利及方栢倫多次合作亦無功而還，到80分鐘理文再受打擊，後備上陣的元朗前鋒卡立窩利建功，為球隊反超前2比1。不過理文未有洩氣，89分鐘史提芬彭利拿接應干沙利斯頭槌二傳掛射得手，雙方踢成2比2完場。
元朗隊長法比奧賽後表示，球隊在多踢1人下仍未能把握優勢而贏波感到失望，他亦承認主教練郭嘉諾未能現場領軍，或對球隊有所影響。
理文主教練陳曉明則大讚球員鬥志佳︰「成場波對於我哋係幾殘酷，雖然好快入局同入波，但我哋張紅牌喺5分鐘就出現。不過我好感動，見佢哋喺惡劣環境下，依然可以逼和對手，相信雙方球迷都好滿意球隊嘅表現。」