馬沙BB人氣最勁
Formula E電動方程式愈玩愈受歡迎，賽事舉行到第5屆，吸引更多高手參與，包括前F1巴西名將馬沙，這位38歲車手退休一季後選擇在FE出山加入Venturi車隊，同「澳門先生」莫他拿拍住上，成為賽事生招牌，風頭更勝領先車手譚布斯奧，以及上屆香港站冠軍布特，惟與其他正處於奮鬥期力爭佳績的車手不同，馬沙更似一位笑傲江湖的俠客，盡情享受賽車的樂趣。
坦言賽道濕滑極富挑戰性
昨日的香港站傳媒見面會及其後的簽名會，出名人緣好的「馬沙BB」未有耍大牌，並面帶笑容出席，與車迷簽名合照亦來者不拒，面對傳媒一次又一次的問及「FE同F1有乜分別？」他亦不厭其煩「講完又講」︰「兩種方程式非常唔同，我希望可以用自己喺F1嘅嘢，放喺FE。」
馬沙走遍五湖四海，但原來佢首次來香港，對於中環賽道環境，他坦言近日天雨將對賽事有很大影響：「天氣很不穩定，我視察過路面環境，非常濕滑，路上又劃了好多線，非常有挑戰性。」