佳聯元朗凱景搶分激Show
今午「中銀人壽香港超級聯賽」上演獨腳戲，下午2時30分佳聯元朗於主場元朗大球場迎戰凱景。元朗目前位列第8位，仍有一定護級壓力，趁主場必以3分做目標；榜尾凱景亦不會束手就擒，必以打不死精神與對手周旋，搶分大戰一觸即發！
（周日下午2時30分開賽）
郭嘉諾：主場一定係攻
佳聯元朗上仗於菁英盃以4比2反勝夢想ＦＣ，晉級4強，士氣提升下回歸聯賽戰線，主教練郭嘉諾揚言：「上次作客對凱景和波，我哋射咗24次但冇1球入到。今時嘅凱景唔同往日，佢哋加增添咗多位有實力球員。我哋主場出擊冇其他諗法，一定係攻！」「郭Sir」又透露會作針對性部署：「防守死球方面，我哋今個星期做得多啲，因為知道馮Sir（凱景主教練馮凱文）擅長罰球、角球戰術。」佳聯元朗除門將陳嘉豪停賽外，前鋒葉子俊仍在養傷中。
作客的凱景目前以4分排榜尾，護級仍未絕望，今日面對佳聯元朗，主教練馮凱文明言不容有失：「我哋依家剩番6場波，場場都重要，我同球員講希望每場波都攞3分！不過今日我哋作客，加上元朗係一支好好嘅球隊，唔係咁易贏到，所以過去呢個禮拜都有針對性部署，希望發揮得好啲。」凱景上場菁英盃對冠忠南區，有多名主力休戰，馮Sir認為有助一眾傷兵休養，其中安基斯進展理想，隊長杜瑋鴻亦已復操。馮Sir又透露，上輪聯賽對夢想ＦＣ賽後向球證廖國文質詢的羅拔及許嘉樂，分別被罰停賽5場和3場。