接力賽瘋狂搶分反壓男拔 喇沙逆轉封王

男子組總冠軍之爭極為激烈，男拔在決賽日前領先喇沙61分，但喇沙昨日大爆發，上午賽事結束後，已將比分拉近至30多分。即使男拔下午憑謝俊賢在1500米賽事摘金，但喇沙及後3個組別的4×100米及4×400米接力賽「瘋狂」橫掃金牌，成功反超男拔，一搔7年之癢登上學界田徑寶座！

喇沙田徑隊隊長陳政鋒個人雖失落400米跨欄，但協助母校贏得4×400米接力金牌後，當時喇沙總分已反壓男拔。他賽後喜極而泣：「雖然個人項目上有少少失準，但係成間學校可以攞到冠軍，已經覺得勝於一切。我覺得呢個冠軍屬於可以喺喇沙本歷史簿上寫出嚟嘅一樣嘢。希望我哋喇沙仔之後繼續齊心，贏冠軍返嚟，今年我哋做到咗，你哋之後都得！」

陳政鋒：成間學校嘅喜悅

問到個人感受時，「政鋒」表示：「呢個係其中一個我最珍貴嘅回憶嚟，今年第一次（贏冠軍）。我作為田徑隊隊長曾經覺得『膊頭』好重，所以心理都有一定壓力。但最後由大圍角度出發，最終順利攞到個總冠軍返嚟，就似達到一個里程碑同創造奇迹咁。」

他亦感謝學校的支持：「老師、教練支持一直都非常之大，唔可以用言語形容，佢地付出嘅血汗好多，呢個唔單只係田徑隊嘅喜悅，亦係喇沙成間學校嘅喜悅。」

余樂詩、黃雋謙報道