夢想FC鬥傑志決心繼續爆
夢想FC今午5時30分會於青衣運動場上演的港超聯賽迎戰傑志，已提早進身菁英盃4強的夢想FC，上仗於最後一輪分組賽以2比4不敵佳聯元朗，不過主教練梁志榮認為球員表現不錯，又期望夢想今季繼在盃賽擊敗強隊後，於聯賽續有代表作。
「細榮」說︰「上場主要畀多兩位年輕小將同比較少踢嘅球員上陣，幫助佢哋保持狀態，整體表現其實可以接受。依家算係冇乜護級壓力，可以放鬆心情去踢，準備足總盃同菁英盃4強賽，我哋目前以盃賽為目標，但都想喺聯賽擊敗強隊，唔係局限喺盃賽。」對於近兩場聯賽後備亮相均取得入球的亞哥斯達，「細榮」認為他仍需時間適應踢法，故傾向讓拿祖及希堅奴等援將出任正選。
「藍鳥」中堅荒考起朱志光
剛於周中重返賽馬會傑志中心操練的「藍鳥」，主教練朱志光坦言可重返基地訓練是好消息，但認為球隊在其他練習場訓練，並非表現失準的理由︰「始終唔可以賴，其他隊都係喺出邊啲球場練，畢竟足球有好多因素加埋。」「朱Sir」亦透露，球隊目前仍有一對中堅受傷︰「列斯奧同艾里奧仲係未得，如果得嘅話，上場菁英盃都畀佢哋踢，連黃洋都要踢中堅，李毅凱都係啱啱好番。我哋接住嚟要踢亞協盃賽事，本地賽程亦好密，希望佢哋可以快啲康復。」
