傑志中心重開！熱血「藍鳥」黃雨照操
去年9月中受颱風「山竹」吹襲的賽馬會傑志中心，經過接近半年的維修後，仿真草場的草皮亦接近完成。一眾「藍鳥」球員昨日冒着「黃雨」重返中心，進行重鋪草皮後的首課操練。
諗計防風災免歷史重演
傑志總經理吳凱威（Wilson）向傳媒透露訓練中心最新詳情：「去年9月16日，我哋開始同保險公司、公證行傾，直至依家一隊終於可以喺度練番波，相隔已經半年時間。球場維修得七七八八，呢半年我哋同保險公司傾能夠受保嘅費用，希望3月尾可以向公眾交代。」
Wilson又表示，中心目前正在進行擴建︰「依家同圖則師傾緊點樣預防，唔想再有下一次，嚟緊有大約4至5樣嘢要做，會喺3月尾至4月頭公布，希望減低下次颱風對中心做成嘅影響。至於1樓擴建工程，可能有些少延誤，大約7月尾先可以起好同正式啟用。球場維修工作已完成，下星期青年軍同梯隊開始重新使用，4月1日起，公眾都可以用得。」
何彥霆報道