安頓盼茹子楠帶來新衝擊
為備戰本月22日至26日在蒙古舉行的「亞洲足協U23錦標賽外圍賽」，香港U22代表隊昨假將軍澳足球訓練中心開操。由於各港超球隊需應付聯賽，和富大埔亦正在北韓踢亞協盃附加賽，昨日首課操練僅得20名球員出席，當中效力葡甲球會科瓦彼達迪的茹子楠亦有返港操練。
香港青年隊主教練安頓在操練前跟球員進行約20分鐘的會議後，安排球員參與一些基本操練及對賽練習，雖然鄭展龍因傷在場邊接受治療，不過安頓表示其傷勢輕微，他同時稱讚一眾小將態度良好︰「首課操練進度唔錯，我哋專注喺防守概念上做一啲部署，球員都理解到我嘅概念。」對於茹子楠獲球會放行參與操練，安頓坦言高興︰「能夠有外流球員在陣，對香港足球嚟講係好事，我希望可以將佢喺歐洲嘅經驗帶畀球隊。」
外流兩個月茹子楠喜見進步
留港期間將會在東方龍獅跟操的茹子楠，談到外流葡萄牙兩個多月後的改變︰「心態方面改變比較大，因為要從頭開始同嗰邊嘅隊友競爭，心態方面上要堅決啲。嗰邊踢法可能比較個人化，球員盤扭能力好好，所以自己個人能力都好咗。初期都有困難，食同住唔係太適應，多得家人同東方支持。今次首先希望入到決選名單，到時盡力幫球隊贏呢3場波。」
何彥霆報道