富力R&F搶出線不勝無歸

「菁英盃」今周上演最後一輪分組賽,打頭陣的是A組,和富大埔今晚於青衣運動場對富力R&F,該隊雖出線無望,但仍期望藉此機會讓少上陣的球員重拾狀態。富力R&F仍有機會晉級4強,今仗非勝不可。欲知大埔眾將表現如何,以及富力能否保持出線希望,今場比賽絕對不能錯過!(周五晚8時開賽)

已注定無緣進身賽事4強的和富大埔,上仗於港超聯主場以2比1反勝東方龍獅,主教練李志堅認為,球員需要正視比賽初段大意失守致落後的問題,但也慶幸球隊最終能夠應付難關︰「上場波有好多攻勢但入唔到波,呢啲情境喺我哋隊波出現過好多次,最終得到勝利,起碼信心會好啲,同埋好開心睇到球員每一刻都冇放棄過進攻。」

堅Sir:為亞協附加賽谷狀態

「堅Sir」又指,球隊要應付兩回合的亞協附加賽,於11日內踢4場,期望讓隊中較少上陣的球員寓賽於操︰「依家球隊要去部署點樣應付聯賽同亞協,希望透過呢場波鍛煉佢哋,同時觀察一啲球員喺嚟緊嘅日子可以點用,或者佢哋可以打番起狀態。」

賽前以4分排A組第3的富力R&F,與排第2的佳聯元朗相差僅2分,加上早前曾擊敗元朗。只要今日一戰全取3分,並寄望元朗明日不勝,便可憑較佳對賽成績出線。今仗鬥和富大埔,富力R&F實屬不容有失,同時為配合菁英盃原意,主教練楊正光表明會繼續沿用過去3場出戰菁英盃分組賽的班底,並期望眾將能維持上佳表現爭取3分,保留出線希望。

富力今季曾兩次與和富大埔交手,惟兩次均不敵對手,「光Sir」期望:「大埔之後要踢亞協賽事,加上菁英盃已經出局,人腳應該會有調動,希望我哋能夠把握今次機會擊敗對手。」人腳方面,目前球隊有林志堅、迪布利有傷在身。