速龍生猛咬瓜塞爾特人

尋日NBA上演東岸大戰，速龍主場鬥「綠軍」塞爾特人，雙方今季之前交手3次，「綠軍」贏兩次稍為秤先，但今仗速龍喺主場表現生猛，沙卡姆交出25分及8個籃板，加上復出嘅李安納亦貢獻咗21分及6個籃板，最終速龍以118比95輕取塞爾特人。塞爾特人主將艾榮全場僅得7分，表現低迷。同日另一仗紐約人繼上場成功「止血」後，贏開有條路，主場鬥魔術雖然頭3節都落後，紐約人憑最後一節上演絕地反擊，逆轉贏108比103，迎來難得嘅2連勝。