夢想FC閃電落後照反勝

開賽僅30秒，凱景韓援金玟基便博得12碼，安基斯主射破網。3分鐘，夢想角球攻勢，陳偉豪混戰中撞入，為球隊迅速扳平。21分鐘，夢想拿祖犄角位附近腳面彈射，惜未能命中目標。之後金玟基及拿祖先後埋門均無功而還，上半場雙方踢成1比1。

球證執法惹爭議

易邊後，雙方互有攻守，57分鐘，馬高斯罰球吊入禁區，柏保路銅頭一搖僅柱邊出界。72分鐘，夢想得黃金機會，彭超然橫傳，尾柱的拿祖撞射中柱。86分鐘，夢想獲12碼，馬高斯主射被保羅救出，拿祖衝前補中，落後的凱景於88分鐘更有中堅域陀領第二面黃牌被逐。戰至補時階段，夢想把握多打一人優勢，先後有彭超然及亞哥斯達抽射破網，夢想最終贏4比1。

凱景主教練馮凱文賽後表示︰「我真係好少公開批評球證，今年我親身去搞足球，對球證執法真係非常唔滿意。我哋係細會，我哋好困難，我哋要搵老細搞波。由南區到依家我都未試過公開批評球證，今次係第一次，因為實在忍無可忍。」 賽事中球證廖國文多次出現爭議性判決，令雙方職球員大為不滿。