費達拿先係體壇代言天王

雖然上個賽季只收獲澳網錦標，但費達拿貴為20座大滿貫冠軍得主，多年來除咗以球技瀟灑見稱，更重要係比起「球霸」勒邦占士、同緋聞不絕嘅C朗，費達拿好男人形象深入民心，無論男女老幼一樣冧得掂，深受商家歡迎，而去年佢就同日本品牌時裝Uniqlo簽下10年3億美元（約23.6億港元）合約，正式令佢成為體壇「代言人一哥」。至於，日本網球名將錦織圭，去年代言人收入3,300萬美元排第8，成唯一亞洲運動員殺入前10名內。