凱景佳聯元朗搏甩髀
今日足總盃尾場於元朗大球場舉行，由凱景對佳聯元朗。雙方聯賽首次碰頭踢成0比0，上輪聯賽兩隊同令強隊失分，今日相遇定必搏甩髀！（周日下午5時30分開賽）
馮凱文：唔再死守博偷雞
凱景上場憑新兵羅拔一箭定江山，以1比0擊敗冠忠南區，取得升上港超後首勝，主教練馮凱文表示：「贏波後球隊上下信心、士氣都有加強，所以今場我哋都好希望贏。」凱景早前於聯賽與元朗踢和，「馮Sir」指要小心應對：「同之前聯賽比，我哋簽咗新球員，進攻上加強咗，依家有羅拔同金玟基，唔會再好似之前咁死守博偷雞，但對住鬥心強橫嘅元朗依然唔可以大意。」據悉，凱景隊長杜瑋鴻受傷未能上陣，防守中場域陀或移後一格出任中堅。
佳聯元朗上輪聯賽對和富大埔，在先失兩球下追和，今場面對凱景，主教練郭嘉諾表示：「其實佢哋對南區場波我有入場睇，凱景加咗人之後實力加強，佢哋值得攞呢3分。」為拿下今場勝仗，「郭Sir」認為球隊無論攻守都要加強：「對手有幾個快嘅球員，今周我哋落咗好多工夫練防守反擊，我哋會照壓前去防守。」「郭Sir」亦承認今場於元朗大球場上演，對元朗來說有優勢。