主場重開第1擊冠忠南區鍊傑志
「中銀人壽香港超級聯賽」今午開火，由冠忠南區重返闊別3個月的主場香港仔運動場迎戰傑志。南區主教練鄭兆聰表示，球隊在超過1個月的休戰期已做了充足準備，期望下半季踢出好成績。至於傑志主教練朱志光則提醒球員，來到較狹窄的香港仔運動場，進攻要保持耐性，並重申球隊沒有犯錯的空間！（on.cc東網周六下午2時30分直播）
由於去年超強颱風「山竹」襲港，導致香港仔運動場看台損毀，冠忠南區需要轉往旺角大球場進行主場賽事。主場經過緊急維修後已重開，但入場球迷需要移步往位於原本主看台對面的東看台位置觀賞比賽。
鄭兆聰：Ready打好波
冠忠南區主教練鄭兆聰表示，雖然球隊距離上仗作客富力R&F已有超過1個月的時間，然而一眾球員已為今仗作了充足準備︰「球隊當然希望可以安排到每個星期都有比賽踢，但呢個唔係藉口，我哋經已做好準備。呢段時間友賽對過夢想FC同香港隊，我覺得球員狀態都唔錯。返到主場，我哋感覺舒服，亦都好期待呢場波。其實今季我哋有好多場波都打得好好，希望球隊可以帶住爭勝心態去到季尾。」傷兵方面，主力蘇沙有望傷愈復出，剛從家鄉接受復康治療後回港的高美斯亦已復操，只是仍需一些時間才可參與正式操練。
傑志對上一場於去年年尾主場以5比0大炒夢想FC，該仗傷出的中村祐人未能趕及復出，至於上周加盟球隊的澳洲中堅馬特史密夫，由於泰超球季於去年10月完季，其比賽狀態仍有待提升，今場或先任後備。
傑志主教練朱志光表示︰「傑志往往喺比賽打得密嘅時候，水準保持得穩定啲，但喺呢兩個禮拜，可以畀隊中傷兵恢復。呢個場比較狹窄，同平時踢嘅有分別，所以選人都會喺呢方面作出考慮。我哋喺進攻方面要有耐性，唔可以有差池。」
文：何彥霆