1場波2個第1次李卓翰︰我好好彩！
為富力R&F奠勝的李卓翰，今仗除了射入職業生涯首個入球，更是首次在旺角場上陣，所以賽後被隊友拋起慶祝。這位年僅18歲的後衞，坦言入球是幸運︰「嗰陣見個波喺前面，所以就試吓抽埋去，都好好彩入咗，仲要係幫助球隊贏波嘅一球，自己都好開心。」
出身自由人的李卓翰，原來今場只是他第2場正式比賽，能夠有好表現，他感謝「光Sir」賽前的鼓勵：「光Sir同我哋講，叫我哋放開啲踢，因為菁英盃係我哋踢嘅比賽，要放膽啲，唔好諗咁多，盡力踢好每一腳。」他又感激家人和朋友的支持。問及日後會否爭取聯賽上陣時，他謙稱：「始終盧均宜佢哋真係無論經驗定球技都勁我哋好多，覺得自己未夠班，所以都係逐步逐步嚟啦。」