「Have fun，bro！我好期待睇你表演！」香港東方「戰神」艾利諾喜見陳兆榮今季強勢復出， 分擔其控衞重擔：「兆榮歸隊我都好開心，上年佢坐喺場邊唔能夠幫球隊，對佢嚟講係好大折磨。」 34歲的艾利諾目前是ABL兩項紀錄保持者，包括得分超過1,000分（1,120分）及「三雙」次數最多（6次）：「努力會有回報，另外都要靠隊友先得。今季打法唔會有改變，都係做一個領導角色，盡量為隊友製造得分機會。」
隨着新球隊加入，今季ABL賽季變得更漫長。「戰神」強調自己不過是「人」，訓練後盡量會做「宅男」爭取休息時間：「運動員嘅身體係工具，賽季早咗開始，就要更多時間休息。我哋係運動員，唔係遊戲角色，唔係撳個掣就可以加速、跳、傳、入樽……身體係需要休息。」艾利諾每一季都會為自己定下新目標，上季他希望集中鍛鍊核心肌肉群，今季的答案有一點「驚喜」：「嗯……今季我想睇多啲書！以往我每季都會睇5本書，但前兩季就冇做到，今季我有幾本書都想睇。睇書可以冷靜自己，而且加強創造力，對打波好重要。另外，睇書亦可以幫我重新定位，搵番動力。」「戰神」透露自己最愛看勵志書籍， 而最近《The Magic of Thinking Big》（大膽思考的力量）就令他重回手不釋卷的日子了。