好多男人都希望可以踢走肥豬腩練出腹肌，吸引異性垂青。一位被稱為「日本一美Body」嘅寫真界美人兒亦表示身材仲未算完美，一於要勤力鍛煉收身，希望練出腹肌提升曲線美感，佢就係犬童美乃梨喇！
喺日本寫真界有唔少女優都有綽號，一般都係褒揚佢哋嘅誘人賣點，好似黝黑巨乳妹葉月彩咁，最近身材愈來愈健美，上圍同臀部都吸引力非凡，故被稱為「乳尻二刀流」，至於今日同大家見面嘅犬童美乃梨就更加勁，因為佢有「日本一美Body」之稱！
24歲嘅犬童美乃梨可謂人如其名，擁有一副青春可愛嘅標致童顏，笑起上嚟散發出一股充滿治愈嘅甜美。而阿妹上圍對G奶一來雪白，二來軟彈適中，毋須多年閱胸經驗亦一望而知係純天然美巨乳。由於美乃梨腰肢纖幼而臀部圓潤上翹，下半身睇落呈現啤梨形，鍾情欣賞女性臀部嘅巴打一定啱晒口味喇！
美乃梨出道初期唔係拍攝性感寫真為主，而係加入一個名為「OS☆U」嘅美少女團體，展開舞台表演生涯，之後就轉投到另一團體「Sweet Surrender」，同時間仲做埋賽車女郎添，現時主要效力歌舞表演團體「sherbet」。到2014年，美乃梨參加選美比賽「Young Magazine黑BUTA GIRL 2014」，結果奪得冠軍寶座，正式進軍寫真界。
早前美乃梨喺訪問中表示，拍寫真已經踏入第5個年頭，希望未來可以尋求更多突破。事實上，美乃梨今年已經做出成績，最近更喺寫真事業上錦上添花，首次推出寫真月曆。不過，美乃梨仲想再進一步，就係將條腰減多幾吋，並且練到有少少腹肌，因為佢覺得咁至係最具美感、最為誘人！
簡介：犬童美乃梨經常拍攝水着寫真，有時更會同人氣寫真女郎嘅好姊妹橋本梨菜合作，從其社交網中大家就可以欣賞到兩位寫真美人兒嘅拍攝花絮喇！
網址：https://twitter.com/minorin656
年齡：24歲
身高：5呎2吋
三圍：35G-23-34
撰文：賢