華杜斯回歸再闖高峰傑志惡鬥和富大埔
「中銀人壽香港超級聯賽」今日好戲連環，當中尾場由去季聯賽冠亞軍傑志及和富大埔於旺角大球場交鋒。兩軍季初表現未及以往勇銳，鑑於均無太多失分空間下，勢必傾盡全力爭勝；「藍鳥」上周獲上季4料足球先生華杜斯再續前緣，今仗或可趕及上陣，他亦豪言要協助傑志再闖高峰！（on.cc東網周日下午5時30分直播）
傑志在中村祐人於上周取得本地球員資格後，隨即為跟操多時的巴西外援羅拔辦理註冊，至於施素高則因需要回國照顧患病父親，而暫時取消註冊，但亦有深受球迷愛戴的華杜斯崔護重來。
傷潮紓緩朱Sir鬆口氣
「藍鳥」主教練朱志光表示，球隊相比起之前有列斯奧、費蘭度及金奉珍等人受傷的時候，傷兵情況已有改善：「早排傷兵問題影響到落場球員嘅表現，依家艾里奧開始練番波，陣容上完整啲，反而比較緊張港隊一班球員嘅恢復進度，特別係丹尼喺一周內已經踢咗180分鐘。」傑志今仗有鄭展龍拉傷需缺陣2至3周，唐建文則有微傷在身，至於兩位新註冊球員，「朱Sir」表示：「羅拔嘅狀態可能未必應付到90分鐘賽事，佢時隔好耐都冇正式比賽，華杜斯唔太擔心，佢係一個好專業嘅球員，舊年都睇到佢狀態持續保持得好好。」
李志堅諗計迎難而上
和富大埔上輪補時階段失守，1球僅負冠忠南區，主教練李志堅坦言無奈︰「上場我哋有30個射門，對手得3次射門，完場後都覺得無話可說，因為球隊喺一場波控制咗戰局，踢得咁好下輸波，的確好洩氣，令季前一啲嘅目標受到打擊。」大埔今仗有艾華度因日前操練時受傷，「堅Sir」希望球隊迎難而上︰「傑志今個禮拜突然加多兩個外援，佢哋亦有一定能力，再加上中村祐人入籍，令佢哋人腳上充裕咗，相反我哋喺休戰期反而多咗傷兵，令呢場波變得更困難，不過足球就係咁樣，都要全力諗辦法面對困難。」
文：何彥霆