主帥親評麾下猛將外援新丁大檢閱

施素高名氣最勁

14位「New faces」當中，要數名氣最大的，當然是曾效力利物浦和祖雲達斯的「毛毛」施素高，他亦是傑志近年繼金東進、華杜斯和科蘭之後，羅致的國腳級外援。除「毛毛」外，傑志亦簽入了前克羅地亞小國腳泰迪，該中鋒在早前對武里南聯的熱身賽中建功，展示了不俗的入楔技巧和射術。「球隊今季簽入外援，都係針對戰術上嘅需要，我知道好多球迷都仲掛住科蘭、華杜斯，但球隊要進步同發展，過程中更有球員離開同加入，我對施素高、泰迪同每一位傑志球員都好有信心，希望球迷可以繼續支持我哋。」傑志主帥朱志光在早前的熱身賽後表示。

戰術大師推介Talento

在7支擁有「新面孔」的球隊中，理文是大戶，新任主帥「戰術大師」陳曉明共簽了4個新援，分別為干沙利斯、戴倫度、雲貝基和白智勳，他特別向球迷推介身披理文10號球衣的戴倫度，他說：「佢係我親自飛去希臘睇比賽揀返嚟，當日我哋入場本來係睇另一個球員，但睇睇吓發現對手有個球員好啱心水，而佢就係戴倫度喇，之後我哋透過經理人同佢傾，結果一拍即合。『戴倫度』其實唔係佢真名，而係佢花名『Talento』（葡文）嘅譯名，意思係『天賦』，22歲嘅佢好早已經畀人睇好佢。雖然好多人都問我點解會簽個咁大件嘅球員返嚟，但我相信佢會畀到球迷驚喜。」戴倫度除司職中鋒外，亦可勝任進攻中場。

東方龍獅 笠臣	凱景 徐相民（右）	佳聯元朗 慕沙（藍衫）

馬高斯有華杜斯影子

夢想FC今季羅了兩個新外援，其中希堅奴曾效力元朗，而另一位馬高斯曾屬新面孔。主帥梁志榮揚言，司職中場的馬高斯將會令廣大球迷想起華杜斯！「之前一直喺歐洲球壇效力馬高斯，來港前喺挪威搵食，係經柏保路介紹嘅。經過季前嘅集訓，我哋睇到佢同華杜斯好似，位置感好好，喺控制節奏方面亦好有功夫，係一個質素好高嘅球員。」

夢想FC 馬高斯	理文 戴倫度	和富大埔 哈利

韓將徐相民踢過全北

同樣司職中場，獲教練認為串連功夫「有料到」的，還有凱景韓援徐相民。據主帥馮凱文介紹，司職中場的徐相民曾効力全北，無論盤扭或傳送等技術皆極具水平。「雖然佢英文麻麻哋，但係佢喺場內場外都好肯教啲年青球員，咁對一班後生仔嚟講係好事，可惜佢工作證未出到，未必可以咁快同球迷見面住。」「大頭文」謂。

「牛丸」親赴葡國簽笠臣

効力東方龍獅的中場笠臣，亦獲「波士」「牛丸」陳婉婷，給予高度評價。「笠臣係我親自飛去葡萄牙兩次睇佢同傾合約嘅，睇過晒佢所有嘢，連同隊友相處都掌握埋，相信佢各方面都可以喺港超取得成功。佢過去10年喺葡甲都係踢正選，係一個好有紀律，對自己好有要求嘅球員，相信佢嘅經驗可以畀到衝擊我哋。佢係個巴日混血兒，所以葡文、日文都掂，同隊友相處得好好，亦好好夾。」

「長人」哈利身材屈機

至於其餘新面孔，和富大埔身高1米95的「屈機中鋒」哈利，以及佳聯元朗鋒將慕沙，皆獲本身教練睇好，有能力為球隊取得佳績。想知幾位教練的推介堅定流？好簡單！一係入場、一係睇on.cc東網直播就一清二楚。