女團摘銅杜凱琹李皓晴失望落淚

昨仗首場香港派出李皓晴迎戰里奧銅牌得主金宋愛，李皓晴受制於對方削球打法先失兩局，到第3局李皓晴放膽出手，多次抽擊取分，教練李靜亦以「一流呀」、「打得好呀」鼓勵，成功扳回一局11比4，可惜第4局失誤較多再次落敗，港隊總分落後0比1。港隊緊接由「1姐」杜凱琹迎戰車孝心，雙方激戰下打成局數2比2，惟決勝局杜凱琹「刁時」以12比14僅負，加上蘇慧音及後對金娜荷亦在激戰5局後敗陣，港隊無緣進身決賽，與南韓攜手摘銅。

杜凱琹打完車孝心後痛哭，要由觀眾席的教練張瑞安慰：「上到場比想像中緊張得多，未試過身體震得咁誇張。今場波絕對有機會，第5局手握賽點時，個人有少少空白，覺得要拎到呢1分大家先有機會，阿蘇（蘇慧音）可能士氣會再好啲，令最尾心態出問題。」

吸取教訓今出戰混雙

港隊走入本土小花時代，今年先後在世界盃、世錦賽及亞運女團收穫3銅，杜凱琹指是實力的肯定，惟李皓晴對昨日表現未滿意：「今次準備時覺得，原來再冇幾多次可以打，關鍵時候猜接發球出手應該果斷啲，比賽好殘酷，4年先一次，唔想令自己後悔。」杜凱琹今日會夥拍黃鎮廷，而李皓晴則與何鈞傑合作，齊齊出戰混雙32強。