港超球星旅行玩到盡！

踏入7月份，港超球隊陸續開操，象徵一眾球員的暑假進入尾聲，是時候準備開工。許多港超聯球員都會把握一年一度休季良機，帶老婆、女朋友或家人出外旅行，玩夠歎夠才返港為新球季搏命。今日就與讀者和球迷朋友們，看看他們的暑假怎樣多姿多采吧！

球圈新一代靚仔謝朗軒，上個月便和女朋友Hinman到美國旅行，並以Roadtrip形式周圍去，走過多個地方，去到邊玩到邊。還特登入場觀看洛杉磯銀河美職賽事，可惜球星伊巴謙莫域因為之前向對手動粗而停賽，睇唔到「呂布」十分可惜。

上月「握手哥」梁子駿帶同太太Cody、兩個寶貝仔「浩霆」和「浩鋐」，跟好友謝敏榮、李思明等，去了芭堤雅及曼谷，玩足7天，認真梳乎呀！

新一季會參與夢想U18教練工作的「聰頭」黃志聰，向來球風硬朗，但面對一對仔女「琛賢」和「梓澄」，以及在太太Rainbow面前，便純過綿羊。今年5月底，「聰頭」一家四口去了越南芽莊家庭樂，十分開心。

5月底球季完結後，「軒仔」黃駿軒就與女友Tracy到日本沖繩Happy。在5天行程中，「軒仔」笑說見得最多的除了陽光與海灘外，便是香港球圈中人。「我喺沖繩撞到『大卓』（賴啟卓）、『耀仔」（陳耀麟），同埋將會北上掘金嘅『樂仔」陳俊樂，喺香港都冇咁易撞到，香港人真係好鍾意日本！」「軒仔」笑說。

不少港超球員旅行「衝出亞洲」，包括同樣效力香港飛馬的「阿聰」羅曉聰，他和女朋友Charli去了埃及的開羅，以及希臘的聖托里尼10天。看他拍攝的照片，靚仔靚女不在話下，連風景都是「超級無敵」。

球季收鑼不久，「嘉樂仔」便和女朋友Joeby到泰國華欣「二人世界」，之後還會和家人飛去沖繩玩多幾日。新季球隊會由陳曉明出任新教練，還有多位外援新加盟，「嘉樂仔」期待在良性競爭下，可以有更大進步。

胡晉銘上月和女友Isabel去意大利旅行，兩人先後到過梵蒂岡、羅馬、威尼斯和米蘭。胡晉銘表示：「今次係我咁大個仔第一次去旅行『衝出亞洲』，呢度啲景真係好靚呀。」

梁冠聰帶同爸爸、媽媽、未婚妻Tiffany及其家人，到台北和花蓮旅行。「大佬旅行團」玩足7日，期間去了十分放天燈，「梁爸爸」還特別寫上祝福兩兄弟足球事業順順利利，非常支持兩個乖仔。