細威因傷退賽寶娃不戰而勝闖8強
寶娃不戰而勝！昨晚法網萬眾期待的女單16強賽事，S威廉絲對舒拉寶娃之戰，開賽前半小時「細威」突然宣布因傷退出，造就舒拉寶娃不戰而勝進身8強。
至於男單16強方面，塞爾維亞「扮嘢王」祖高域以6比3、6比4、6比2解決西班牙嘅華達斯高，取得個人泥地場200勝，並連續9年躋身法網8強！
祖高域200W同拿度齊過關
雙方喺第1盤爭持得好激烈，最後祖高域咬緊牙關勝出，而且喺第2盤同第3盤乘勝追擊，先後喺第1局破發，賽後佢坦言鬆一口氣：「考慮到過去15個月嘅成績，進入大滿貫8強已經好理想，不過我喺大滿貫好多時有好發揮，當然唔想咁快出局。」祖高域晉級後遇上意大利嘅施基拿圖，大有機會再下一城。
另外，西班牙「泥地王」拿度亦有好表現，昨晚面對22歲的德國小將馬特拿，輕鬆以6比3、6比2、7比6（7比4）贏波順利晉級。拿度8強將與11號種子球手，阿根廷的施瓦茲曼爭奪4強席。
昨日焦點賽果
男單16強
T袓高域（塞爾維亞） 3:0 華達斯高（西班牙）
F奇雲安達臣（南非） 2:3 K施瓦茲曼（阿根廷）
A拿度（西班牙） 3:0 馬特拿（德國）
女單16強
A施蒙娜（羅馬尼亞） 2:0 P梅頓絲（比利時）
N卡薩特金娜（俄羅斯） 2:0 B禾絲妮雅琪（丹麥）
]舒拉寶娃（俄羅斯） S威廉絲（美國）
註：圓圈內數字為種子排名