on.cc東網直播足總盃終極決戰 傑志和富大埔火熱爭霸
今季本地波壓軸大戰——足總盃決賽今午3時於香港大球場上演，傑志及和富大埔繼上周末菁英盃決賽後，再於足總盃終極戰狹路相逢。近日本港天氣持續炎熱，今次又是雙方今季第4度交手，互相「熟晒路」之下令這場生死鬥充滿變數！到底是傑志奪標成就「三冠王」，抑或和富大埔復仇成功「攞尾彩」，就一定要留意今日東網直播！（on.cc東網周六下午3時直播）
上周六菁英盃決賽，傑志和富大埔鬥得精彩，最終「藍鳥」憑費蘭度梅開二度，以2比1險勝捧盃，當時因傷倦勤的列斯奧、艾里奧及盧卡斯仍未能趕及復出，另外佐迪及鄭展龍亦因曾代表過友會出賽而無法上陣，人腳算不上充裕，故主教練朱志光坦言，不可以將今仗與上周的勝利相提並論︰「始終嚟到季尾，球員心態難免有啲攰，而且我哋都有幾位傷兵。雖然上星期菁英盃決賽我哋贏咗，喺信心方面冇問題，但足球比賽都係一場還一場，唔可以話上個禮拜贏咗，就代表呢場好易打。」
朱Sir盼更多球迷捧場
朱Sir還指出，和富大埔是港超的實力分子，雙方球員心態將會是今場勝負關鍵，又謂作為今季最後一場比賽，希望有更多球迷入場支持。
另一邊廂，和富大埔雖未能成功衞冕菁英盃，今日再次「冤家聚頭」，大埔主教練李志堅就希望球隊能夠減少犯錯，並且在戰術上有更佳的發揮︰「『菁英盃』決賽我哋上半場佔上風，甚至覺得等緊入波，點知失誤導致連輸2球，仲要喺同一位置發生。傑志今年喺港超聯的確係比其他隊優勝，不過盃賽係一場過，希望喺部署上打出一啲優勢。」
不過「堅Sir」仍對己隊充滿信心，揚言「有得鍊」︰「傑志今年一定係比舊年好，但大埔今年都有幾大嘅進步，所以其他球隊會更加認真對付我哋。其實踢菁英盃決賽之前對飛馬，班波搏到好盡，傑志喺煞科日對陽光元朗雖然係贏波，但都有球員輪換咗，體能同心理壓力都冇咁大。今次足總盃決賽雙方體能狀態較為接近，希望我哋會有更好嘅發揮。」
何彥霆報道
今日賽程
足總盃決賽
5月26日 （六）
傑志 Vs 和富大埔
香港大球場 下午3時
$80、$30（特惠票）