2400米先係正宗大賽

嚟緊周日「巴基之星」角逐的國際一級賽遮打盃，所跑嘅2,400米屬本地賽事中最長途，數數全季只得三項大賽跑呢個路程，但其實放眼全世界，哩半2,400米先係最正宗大賽路程，好似已有兩百多年歷史嘅英國葉森打吡，就係跑2,423米，至於全球一級賽排名1及2位嘅法國凱旋門大賽、英皇錦標，以及舉世矚目嘅日本盃及育馬者盃草地大賽，一樣係跑哩半，所以「巴基之星」今場若能成功奪冠，日後真係可以衝出香港，挑戰全球各地哩半大賽，到時全世界都識得你喇！