再輸大鑊！騎士明早搏盡炒塞
NBA季後賽東岸決賽Game 3將於香港時間周日上午8時30分舉行，騎士主場迎戰塞爾特人，7場4勝制下，總場數落後0比2的騎士肯定會背城借一，搏盡追番場。
塞爾特人首兩仗佔主場之利，首戰大勝對手108比83，第二仗更以107比94贏波，氣勢強勁。騎士主帥路爾透露：「由於勒邦占士表示要時間休息，打亂了出戰塞爾特人的排陣調動計劃，因而被對手把握得到機會，球隊防守上欠缺溝通，頻頻出錯，亦是接連敗陣主因。」對於未來兩仗回師主場，路爾重申會全力爭勝，盡快解決對手！
夏登占士AD候選MVP
另外，聯盟公布今季常規賽6大獎項候選名單，當中有份競逐MVP寶座的，包括火箭占士夏登、騎士勒邦占士同塘鵝安東尼戴維斯（AD）！ 形勢上，占士夏登是大熱門，畢竟他帶領火箭歷史性成為常規賽冠軍，如無意外，應會首次登上最有價值球員寶座。