華杜斯：爭冠幫科蘭賀壽
剛於香港足球明星選舉成為「四料足球先生」的傑志中場華杜斯，上季協助球隊奪得聯賽、高級組銀牌及足總盃，今季協助「藍鳥」蟬聯聯賽及奪得社區盃，這位前匈牙利國腳希望可以贏盡本地賽事獎牌︰「喺獲得個人殊榮後，就要將精神集中喺決賽。菁英盃係我同球隊都未贏過嘅盃賽，所以希望有第一次。」他續道，希望為好友科蘭送上39歲的生日禮物 ︰「當然球隊唔係只為科蘭爭冠，但我知道佢會睇呢場波，我希望可以將佢收睇嘅時間，確保喺90分鐘，為佢送上生日禮物！」
陳俊樂與黃洋一對港隊中場昨日齊齊出席賽前記招，被問到對方優點時互派高帽。黃洋笑言場上的「樂仔」有自己的影子，今年心目中最佳中場的一票，亦有對方的份兒，並稱讚「樂仔」擁有身體質素之餘，進取心態亦值得年輕球員學習。至於陳俊樂則形容黃洋是自己的學習對象，當中包括防守走位及控球能力，並期望藉決賽平台，令大家的能力有所提升。