華杜斯膺4料足球先生

叫胡「3冠王」的傑志昨晚一如所料成為獲獎最多的球隊，全晚產生的20個獎項中，「藍鳥」共獲12項，連同前鋒盧卡斯的神射手獎，共有13獎落袋。當中今季於中場線助攻助守，成為傑志「關鍵先生」的前匈牙利國腳華杜斯，就連奪「最受球迷歡迎球星」、「球員之星」、「香港足球明星—中場」，再擊敗隊友唐建文及陽光元朗射手艾華頓當選「香港足球先生」，可謂實至名歸！

笑言要諗計運獎座返匈牙利

華杜斯一改場上「Cool爆」形象，訪問時盡顯幽默一面：「最有意義當然係球員之星，因為得到對手嘅認同唔易，我知道會有很多球迷投我一票，因為我比賽後經常幫佢哋簽名！依家我好頭痕，因為我真係唔知點樣將4個獎座運返匈牙利。」當這位新科足球先生被問到下季去向，他指獎項未有影響他的考慮：「獎項畀咗我難忘嘅回憶，當有一日我退休睇番呢啲獎，都仲會記得曾經有呢個屬於我嘅晚上，話唔定我會睇到喊添！」

華杜斯	「朱Sir」冧莊「最佳教練」。	唐建文上台分享感受時，一度熱淚盈眶。

唐建文喊晒：攞獎好開心

驚喜入圍「足球先生」最後3強的傑志鐵衞唐建文，最後雖未能問鼎這項最高榮譽，但仍憑全季出色且穩定的表現贏得「香港足球明星—後衞」獎項，以33歲之齡首度成為「香港足球明星」的他於台上哽咽，事後表示：「上季隊友缺席，我拒絕上台代領，今年正式以球員身份上台，獎項係對支持我嘅人同自己嘅交代，真係好開心，呢年係我足球生涯其中最重要嘅一年。我相信呢個故事仲未完，我仍然想屬於草地，會繼續努力追求進步，希望來季再踢亞冠分組賽。」

今季最佳教練的獎項，亦由帶領傑志以不敗姿態衛冕港超冠軍的朱志光成功「冧莊」。繼去年後再次奪得殊榮，「朱Sir」坦言感到高興︰「當然係開心啦！始終近年嚟都好少教練可以『冧莊』，呢個獎對我嚟講一個好大嘅鼓舞。」