港超聯主播Kannas滿場飛「集郵」
昨晚「2017-18香港足球明星選舉」頒獎典禮，係一年一度本地球壇盛事，一班球員打扮成型仔，東網港超聯主播Kannas胡恩晴努力咗一季，當然要同佢哋Selfie，當獎勵下自己！
Kannas笑言：「今季採訪大埔次數多到得到『大埔家嫂』呢個花名，一班和富大埔球員（右圖）理所當然成為我嘅集郵對象啊！我就選擇企喺呢日好有型嘅『大埔頭槌王』杜度隔離，原因大家都知道啦！其他畀我集郵嘅仲有呢晚致謝時好緊張、最佳青年球員得獎者之一『Fat gor』林衍廷，仲有呢晚嘅大贏家傑志、香港飛馬（下圖）同陽光元朗嘅職、球員，再一次恭喜咁多位得獎者！」
