CP3牛一爆發助火箭大勝

火箭喺NBA季後賽西岸4強Game4作客以100比87擊敗爵士，場數領先3比1；基斯保羅（CP3）攻入全場最高嘅27分，為自己送上33歲生日禮物，賽後火箭仲喺更衣室同另外兩位同月同日生嘅隊友一齊開生日P慶祝添！至於同樣總場數領先3比1仲有勇士，球隊喺西岸4強Game4作客以118比92擊敗塘鵝；剛復出「咖喱仔」史堤芬居里今場射入23分，當中包括射入4個三分球，喺職業生涯季後賽累積326個三分波，超越馬刺老將真路比利，成為季後賽三分球射手第3位。