打波做埋班主詹喬壹：我仲有夢想！
昨日「2018 Mega Ice五人冰球賽」上演了兩場精彩賽事，今年特意邀請多名日本球員來港獻技的Empire Skate，先於「國際B」對Old Boys Pilsen Indians，再在「亞洲A」鬥HK Hitmen。雖然Empire Skate在兩場比賽分別以3比6和1比7見負，但班主兼球員詹喬壹（Terence）卻未有為失利感到氣餒，更直言︰「我仲有夢想！」
現年36歲的Terence，從學習打冰球至今已30年，其中代表香港比賽超過10年。不少男生在年輕的時候會視父親為偶像，Terence亦一樣：「爸爸係80年代冰球教練，細個嘅夢想同偶像都係爸爸。一路玩嘅期間想將冰球當為自己嘅職業，大概10年前左右，我就開始組織自己嘅冰球隊、聯賽，與志同道合嘅朋友一齊玩。」
Terence當日組織Empire Skate球隊，原來是為了圓夢：「從小到大我嘅志願係做職業冰球員，但係天資唔足夠，身形比較矮小。如果真係要打職業聯賽，一定要有身形。直到長大之後有自己嘅球會，有個諗法係組織一支近乎職業嘅球隊去完成自己嘅夢想。」
Empire Skate今屆「Mega Ice五人冰球賽」特意邀請多位日本球員，期望讓觀眾大開眼界，有份落場的Terence亦對他們讚不絕口：「佢哋速度好高，佢哋交波係冇停留，一接到波，見到第二個走位就即刻交。所以我覺得今次可以帶到畀我哋香港嘅小朋友睇到原來打冰球係要咁快、咁高速嘅，唔係單靠個人技術，而係全隊波一齊。」
盼培育香港首位職業冰球手
據Terence透露，現時Empire Skate有大約100位球員。問及未來大計，他謂：「我希望擺多啲時間、心機落年輕球員，孕育出新一代替我達成夢想——首位進軍外國職業聯賽嘅香港人！」
「2018 Mega Ice五人冰球賽」今日續有多場賽事，女子組有來自新西蘭的KIWI ICE首度亮相，面對有港隊成員坐鎮的WIHO Elite。另外，「亞洲A」亦上演重頭戲，擁多名香港隊成員的Gold Club將迎戰HK Hitmen。賽事不設門票，歡迎各界人士到場為香港冰球手打氣！
2018 Mega Ice 五人冰球賽 on.cc東網直播安排
5月5日
晚上7時 成年組「國際Ａ」決賽
晚上8時 成年組「亞洲Elite」決賽
晚上9時 成年組「國際Elite」決賽
圖／文：陳焌鏗