陽光元朗贏到開巷！
陽光元朗2018鴻運當頭！這支港超地區球隊上月勇奪今屆高級組銀牌，完成「神奇之旅」，成為本季首支冠軍球隊。帶領球隊事隔50年再捧得銀牌的主教練「達Sir」曾昭達，新正頭繼續「領軍」，帶同兩位球員代表葉頌朗、黎耀昌，聯同球會經理周文健，以及東網港超聯主播Kannas胡恩晴，向球會副會長郭時興和主席郭靜然拜年兼「決戰四方城」，一於愈打愈旺！
平日一班職球員生活圍繞球場，多在綠茵場上碰面，各有各忙，莫說是打麻雀，連閒聊時間也不多，難得趁農曆新年在另一戰場——麻雀枱上歡聚，大家都表現得雀躍非常無所不談。
雀局爆料 充滿笑聲
各人邊「攻打四方城」，邊吹水爆料、明嘲暗寸樣樣齊，例如積極參與社區事務的「郭主席」正職乃註冊營養師；「達Sir」雖然膚色拍得住安基斯，但並非混血兒；「金牌經理」周文健在球隊贏得銀牌後，一度面對「改圖」的網絡欺凌；葉頌朗對Kannas精華節目中一句「可惜佢把握唔到」原來耿耿於懷；「扭扭昌」黎耀昌堅持不轉換髮型，原來有特別原因……總之場面惹笑，眾人都樂而忘返！
兼做善事 捐助奧比斯
是次「雀局」所有交收共2,350港元，全數撥作善款捐助奧比斯，新正頭有得玩又幫助到有需要人士，可謂雙重開心！當然還要向各位球迷拜年，陽光元朗仝人和Kannas祝大家狗年行大運、身體健康、球市暢旺。各位球迷如想得知「陽光元朗決戰四方城」的戰況，記得嚟緊去東網on.cc或Fb專頁《我撐本地波》睇片啦！
圖：余樂詩 文：胡恩晴