傑志主教練朱志光賽後表示，球隊今仗射入8球超出自己預期︰「發夢都估唔到，足球比賽就係咁可愛。反而我哋有時對弱隊冇咁順暢，對強隊反而對手肯進攻，同埋今仗科蘭落場都有影響，令對手唔知點樣應付佢，可能係呢場波勝負關鍵。」
「朱Sir」亦透露今仗讓科蘭出任正選的原因︰「呢兩日我喺度諗，佢作為外援喺後備席上，令我換人方面有所顧忌，究竟要抽走前場定後場球員，經過上場比賽後，決定大膽畀佢先踢正選，佢上半場亦交出一個好有質素嘅助攻。」