Angela White熱到封盤

無論脫星Angela White喺嚟緊舉行嘅XBIZ Awards得8個定80個獎項提名都好，各界最關心始終係阿妹係咪捧走「Female Performer Of The Year」終極大獎。另一邊廂1月27日舉辦嘅AVN頒獎禮，大會早就宣布Angela White拍住Harli Lotts做主持，心水清嘅都知道阿妹係最佳脫星大熱人選，而XBIZ Awards近日亦宣布Angela White已獲提名候選「Female Performer Of The Year」，種種迹象加上當事人嘅走勢嚟睇，Angela White捧走呢個大獎可謂熱到封盤啦！雖然Angela White恨獎恨到濕晒，不過佢都唔會咁容易畀你睇穿，阿妹喺訪問中話希望巴打多啲留意佢嘅演出，以及幕後默默付出嘅工作人員喎！客套說話就留番上台先講，睇番IAFD網站嘅資料，Angela White瞓身美國四仔界多年，2013年成立個人製作公司AGW Entertainment，擺明就想起朵，無奈過去提名無限，攞獎有限，最勁係前年喺XBIZ捧走「Foreign Female Performer Of The Year」獎項。喂，再係咁得個砌字，Angela White下年點嗌高片酬呀？