香港飛馬贏理文穩守次席

理文「地獄主場」今季曾令東方龍獅及和富大埔失分，上半場香港飛馬破門乏術，28分鐘查維斯禁區內橫傳利馬起腳，可惜未能命中目標。理文的史提芬彭利拿及文家永亦先後嘗試用遠射打破僵局，不過都無功而還。戰至39分鐘，飛馬出現黃金機會，黃俊皓於右路偷得對方腳下球後傳中，可惜伏兵遠柱的陳肇麒飛身迎頂卻中網側。完半場前艾華再於右路突破成功，利馬接應後第一時間施射，但又省中快一步衝出封位的理文門將陸平中，結果上半場雙方互無紀錄。

易邊後飛馬彷彿被打通任督二脈，只花4分鐘就由「細佬」梁諾恆打開紀錄，利馬開出罰球，陳肇麒二傳至小禁區頂，「細佬」左腳一抽破網，連續兩場有入球，更向現身撐場的女友Katie送上心心，認真Sweet！其後飛馬未有放軟手腳，一輪狂攻之下有艾華單刀及麥保美遠射，但都分別欠運射中門框彈出。

「細佬」向女友送心心。

梁諾恆（左）與艾華慶祝。

「細佬」：零失球開心過入波

直到68分鐘飛馬終於再添紀錄，今仗於兩邊表現生猛的「左倫右華」合力炮製入球，方栢倫左路傳予後上的艾華將波撞入網窩，助球隊領先至2比0。落後的理文亦非全無機會，先有後備入替的利馬挑射空門出界，其後這位巴西外援再博得12碼，不過隊友史提芬彭利拿主射卻被袁皓俊「捉到路」，最終理文未能平反敗局，香港飛馬以兩球取勝，全取3分繼續追趕榜首的傑志。

放大圖片	艾華（左）為香港飛馬埋齋。

連續兩仗出任正選，更同時有進帳，去季4個入球的成績至今已達到一半，不過「細佬」梁諾恆坦言有另一件事令他更開心：「入球方面其實我冇咩目標，邊個入波都唔重要，最緊要幫到球隊。我想專注喺防守多啲，其實零失球仲開心過自己入波，今場我哋做到零失球，球隊有好多正面嘢，希望Keep住繼續贏落去。」由季初受腸胃炎困擾，到現時重拾狀態，「細佬」指自己無論後備正選，都保持「做到最好，把握機會」的信念，除助球隊力逼傑志外，亦期望有朝一日可入選成為大港腳。