大帝孤身領騎士7連勝

據美國媒體《ESPN》引述騎士內部消息，因左腳足踝受傷休息了7場的戴歷羅斯，經已暫時離開球隊，據聞他正認真考慮個人前景，包括是否繼續征戰NBA，消息指羅斯厭倦「玻璃人」的日子，不停的傷患已嚴重侵蝕其心靈。騎士教練路爾亦公開表示羅斯獲球會批准離隊休假，更不設期限，只等他康復。

居里單節26分屠「牛」

昨日騎士主場對黃蜂，「孭晒飛」的占士交出「3雙」27分、16籃板同13助攻，騎士亦以100比99險勝取得7連勝。騎士贏得辛苦，另邊廂近期走勢強勁的塞爾特人，昨日主場以118比103輕取魔術，於上仗敗給熱火後極速反彈。「綠軍」皇牌艾榮今仗依然勁爆，全場轟入30分，而塞軍首節攻入40分及半場射入73分，同屬今季新高，難怪現場球迷都向艾榮大叫「MVP」。至於衞冕的勇士，即使有杜蘭特同積蒙格連齊缺陣，依然輕鬆以143比94、49分之差大勝公牛。當中「咖喱仔」居里單是第2節就射入26分，認真誇張；而拍檔奇利湯臣亦有29分貢獻。