黃筠陶林浩賢初任旁述嗌緊張

至於去年畢業的前女拔隊長黃筠陶及前喇沙猛將林浩賢，就為電視台的直播賽事擔任旁述，兩人大呼感覺新鮮又緊張，林浩賢指：「第一次都有啲緊張，不過以前中學游比賽，一上水就畀人捉住訪問，已經練好咗講嘢喇！」黃筠陶就表示：「我覺得好興奮，一直好期待試新嘢，自己講嘢唔係好好，對我嚟講係個挑戰。知道師妹好認真訓練，好想佢哋發揮水準，仲緊張過自己落場，所以直播時都要盡量按捺自己情緒。」