昨日決賽「美人魚」歐鎧淳獲電視台邀請，在Fb Live住為泳手打氣，她更走入各校啦啦隊中，一起嗌口號！現場所見「淳淳」亦勁受學生歡迎，人氣爆燈，她對氣氛相當滿意：「我比賽嘅年代要靠學生擺片段上網，大家搵Link睇，依家好方便，上網就睇到直播，今次我叫啲啦啦隊教我嗌，我都嗌到虛晒，佢哋由早嗌到晚真係唔易。學界氣氛比亞運同奧運更熱鬧，因為有咁Local嘅Cheering Team，肯畀學生走堂為同學打氣，好難得！」
