奧蘇失威：返去燒咗支Cue 羅拔臣捧盃擸走100萬

「墨爾本機器」羅拔臣贏得香港桌球大師賽冠軍。

「洛克」昨早「升呢」為8號波，令到「四眼Cue后」吳安儀與兩位殿堂級球手亨特利及韋德的表演賽，一度要改為閉門舉行。不過，8號波未有阻止約30名瘋狂球迷於伊館外「博一鋪」。多得「洛克」極速「走人」，昨晚的決賽如常舉行，新伊館坐爆迎接這場大戰。決賽一開始，先發球的羅拔臣已有機會打出147，可惜一球遠枱紅波失手，球迷都大呼可惜。奧蘇起身未埋枱，球迷掌聲已如雷貫耳，不停大叫「Come on, Ronnie」。這位英格蘭球星取得首局後，球迷的歡呼聲猶如奧蘇已奪冠，足證「火箭」於香港人氣之高。

「火箭」坦承表現差

二人於首節打成2比2平手，奧蘇里雲小休後一出場就打出一Cue 143清枱，刷新卓林普於4強打出的136度最高度數紀錄。不過「墨爾本機器」狀態明顯更佳，愈打愈有，在「火箭」打完143後一氣連取4局，終以局數6比3反勝奧蘇里雲，奪得百萬冠軍獎金！

羅拔臣賽後訪問時「賣口乖」，稱多個大賽的決賽氣氛不及今次香港大師賽：「就算球迷多為支持傅家俊及奧蘇里雲，但只要打得好，觀眾亦會支持，感謝他們。」至於「火箭」直言表現太差，更霸氣地說：「返去會燒咗支Cue！」他承諾未來會再來港比賽，更於空中作出「簽合約」手勢。被問及會否出戰接下來幾個錦標的外圍賽，他就「寸爆」回應：「頂級球手唔會打外圍賽，你有無見過費達拿同拿度打外圍賽，如果嗰個比賽我係要打外圍賽，咁我覺得唔應該參加囉！」

羅拔臣昨日決賽演出繼續弗爆。	兩大高手過招，現場球迷睇到拍爛手掌。	奧蘇賽後受訪時「冇面見人」。