「新風之后」麥卓穎都係籃球人

去年贏得15歲以下組別滑浪風帆世界冠軍，立志要做「新風之后」嘅麥卓穎，其實都係籃球人，讀緊聖士提反女子中學嘅佢昨日到修頓撐場，佢話因為有個朋友打英華女學校，所以專程入場睇波。原來麥卓穎已經連續第二年睇Panasonic籃球賽，仲話現場氣氛好正，如果有機會都好想落場，其實麥卓穎除咗滑浪風帆叻，亦有參加籃球校隊打Keyman位置，去年C Grade打入4強，明年升上B Grade，目標同樣係4強。