戰車索模閃爆東望洋

車模爭艷 初戀feel最煞食

澳門賽車進入正賽階段，各國佳麗進場，Racing Queen大戰爆發！初戀感覺、奇峰突出、高檔名模，廣大車迷龍友眼花繚亂目不暇給，每年大賽車都要面對這些幸福的煩惱，咁多RQ，我好亂呀！

「翻版全智賢」Bobo冧暈龍友

全場焦點肯定是初戀感覺！去年19歲日本妹令人勾起初戀回憶，今年輪到21歲澳門本土車模Bobo黃潔恩，她現時就讀澳門聖若瑟大學教育系，將來會做一個幼稚園教師，由於樣子甜到腬，直情係「翻版全智賢」，早就畀星探發掘成為模特兒，出鏡次數多到唔記得，但就首次做澳門賽車車模，代表一隻啤酒品牌亮相。呢條「車場美人魚」一出場已吸引勁多龍友圍拍，雖然相比起其他身形誇張嘅車模，Bobo唔算突出，但只要佢笑一笑，成班龍友就暈晒啦。

「A貨謝安琪」Mico堅性感

奇峰突出就有Mico，來自馬來西亞Mico裝束夠open，胸口一個大窿，當然非常吸晴。Mico是馬來西亞華人，中文名叫方秋玉，芳齡24歲，大學畢業後入行做模特兒，因朋友介紹而成為香港著名車手馬清揚的車模，被封「A貨謝安琪」。對於自己一身開胸性感裝，她說：「這是公司特別為我度身訂造的，胸口一個大窿，天氣炎熱時會令我更涼快啊。」

A貨謝安琪Mico

下午天氣轉好，一眾車模落力搶鏡。

至於維他檸檬茶兩名俄羅斯靚女，原來她們的正職是Super Model，金髮叫Victoria、啡色頭髮叫Lura，兩人平時行開大show的cat walk，好似Gucci時裝展等都可以搵到佢哋蹤影，至於台妹Jennifer亦會拍住另一寶島美女Lucy登場，繼續成為龍友焦點。

檸茶台妹Jessica

Victoria（右）同Lura係行開catwalk嘅超模。