開P放低球拍揸毛筆 張玲黑色透視搶鏡！

張玲（左）黑色透視裝搶晒鏡，連姬芭都忍唔住眼望望。

姬芭、珍高域、施杜素、嘉維路娃等球星昨晚盛裝出席球員歡迎派對，連剛於下午惡鬥完尾崎里紗的V威廉絲，亦穿起雍容華貴的白色連身裙亮相，現身時即獲全場嘉賓報以熱烈掌聲。不過面對「外國勢力」，一眾亞洲球手亦不甘示弱，中國美女王薔一身純白短裙充滿青春氣息；而「本地薑」張玲更奇招突出，一襲黑色透視晚裝非常性感，連「世界1姐」姬芭都忍不住多看幾眼。

珍高域多手「畫花」嘉維路娃

為了讓一班球手體驗中華文化，大會特別安排書法大師即場教授書法，讓眾人嘗試用毛筆及墨水寫出「網」字。在網壇所向無敵的姬芭亦似乎被毛筆難倒，不時向張玲請教；澳洲美少女嘉維路娃與珍高域則對毛筆大感好奇，童心未泯的珍高域竟在嘉維路娃鼻尖點上一點墨水，之後又齊齊自拍，惹得哄堂大笑！可惜「丹麥甜心」禾絲妮雅琪因準備翌日賽事未有出席派對，球迷想睹其風采，就要留待今午的女單賽事了。

珍高域（右）多手「劃花」嘉維路娃個鼻，認真搞笑。	一班好手寫毛筆字，有板有眼喎。	V威廉斯高貴打扮贏盡掌聲。

• 中國王薔（左）純白短裙Look，清純！

1號場今爆「中港大戰」

今日繼續有多場精彩賽事，一眾頂級球星分途出擊，中央場打頭陣有人氣極盛的禾絲妮雅琪迎戰中國球手鄭賽賽，施杜素及「世界1姐」姬芭亦緊隨其後現身，衞冕的珍高域則會於1號場第2戰上陣，鬥美國的哥羅福；值得注意的是1號場「頭場」將上演「中港美女大戰」，由「顏值爆燈」的中國球手王薔鬥香港靚女張玲，這位傷愈不久的「土炮」表示王薔近年排名穩守100名以內，頗具實力，過去曾多次與她交鋒各有勝負，雖曾在2014年仁川亞運敗予最終奪金的王薔，但去年亦在珠海ITF國際女子網球巡迴賽復仇成功，所以今戰亦有信心。