後藤郁淳樸誘人

嫩口天然

小弟出嚟社會工作多年，無論喺日常生活定係工作嘅時候，都見過無數咁多美女。之不過，能夠吸引到我嘅唔係打扮得花枝招展、美艷絕倫嘅靚女，而係打扮樸素、純真可愛嘅女仔。老實講，呢種女仔已經好少見，相信只能夠喺在學時期嘅回憶當中方能尋回。然而，大家如果想搵呢種淳樸美人兒唔使再往事只能回味，因為年方20歲嘅青春嫩口妹妹仔後藤郁正係呢類型嘅純真少女。

後藤郁年輕貌美，五官標致，笑起上嚟展露出青春甜美及充滿陽光氣息。小弟除咗欣賞阿妹雙眼散發出直擊男人心窩嘅銳利神采外，亦好鍾意郁妹純真簡樸嘅打扮，唔會過分修飾、唔會過分人工化，只用一派自然流露嘅美態嚟吸引大家。郁妹嘅身材同樣出於純天然，婀娜、白滑、凹凸有致，一睇就知冇經過後期加工，就係呢種自然美至係最誘人，使乜為咗令上圍凸出而打假波呢！

回歸更大膽

後藤郁喺14歲時參加第34屆「Horipro Talent Scout Caravan」，憑住清新可愛面孔備受注目，雖然最後輸咗畀小島瑠璃子與冠軍無緣，但係亦成功進身藝能界發展，仲成為美少女組合「美女甜甜圈！！」嘅成員。喺2011年後藤郁因為家庭問題需要小休半年，但係好快就復出，並且憑個人努力爭取更多演出機會，例如拍電視劇，包括《理想的兒子》、《爸爸Doll！》等，之後更推出個人寫真集《SIXTEEN'S MAP》以及寫真DVD《從最初第二個的戀愛》。到2014年，郁妹又再次因為家庭問題而停工，而今次一停就停咗兩年，到今年年初至宣布回歸藝能界。由於郁妹已經踏入二十歲成年之齡，回歸後面孔同身材冇變，但係演出風格就大膽咗、暴露咗，大家終於可以更清楚咁欣賞到郁妹嘅誘人身段喇！

社交網站

簡介：後藤郁將好多生活點滴放上Twitter與大家分享，大家睇過之後都會覺得郁妹平常好可愛又趣怪，不禁發出會心微笑。

網址：https://twitter.com/kaoru_gotou_

後藤郁Profile

年齡：20歲

身高：5呎2吋

三圍：34E-23-34

撰文：賢