大總管司徒文俊最後一擊
港足近年成績及形象穩步上揚，幕後團隊功不可沒。行政經理司徒文俊「身兼多職」一腳踢，不過這位港隊「大總管」已向足總請辭，本月底便會離職迎接新挑戰，今仗最後一次為港隊打點的他，期望球隊交出漂亮表現。
司徒文俊2009年退役後便加入足總，兼顧行政及助教工作，直至前年升任為行政經理，從與球會溝通聯繫、協調訓練時間、作客賽事安排交通食宿，大小事務也要從旁打點。回想接近7年的行政工作，「司徒」直言獲益良多：「踢波年代嘅我唔算多嘢講，但行政工作需應付唔同層面嘅人同事，溝通技巧變得好重要。特別係作客去到效率較低嘅東南亞國家，適當時候要據理力爭『Push』佢哋。」
「司徒」喜見香港足球漸獲認同，即使離開足總，仍會繼續貢獻香港足球。雖然他對未來工作先賣關子，但不忘寄語有意退役後轉型的球員後輩，需勇敢迎接人生下半場：「轉型初期最緊要不恥下問，唔好怕唔識，放膽去試去學。有時候甚至要放低球員身份，學識互相尊重，先至可以發揮團隊精神。」