- on.cc 東網主頁
- 3月13日 (四)
洋將班尼斯回歸，東方籃球隊如虎添翼！甲一男籃常規賽殺入最後直路，今晚在灣仔修頓場館上演兩場比賽，頭場有晉龍WTS對遊協，尾場由東方迎戰福建。之前受到傷患困擾的「藍衫軍」，大部分傷兵於季後賽前恢復良好，班尼斯今晚更會在常規賽最後一仗上演其甲一「處子戰」，矚目程度爆晒燈！（on.cc東網周二晚8時40分直播）
美籍外援班尼斯在季前一次操練拉傷，致大腿肌肉撕裂，可幸他神速恢復，趕及在常規賽最後一場首度亮相，不但球迷期待，一班「藍衫軍」同樣興奮！東方隊長李琪表示，班尼斯復出對他們鞏固籃底有極大作用：「雖然班尼斯好番之後同球隊只係夾過幾次，但因為佢受傷之前一齊練咗3、4個月，所以默契方面非常好，有佢喺籃底，可以拉空我哋外圍嘅空間。」
對東方籃球隊來說，班尼斯能上陣不但令士氣大增，戰術上亦能有更多變化，甚至可以減輕得分主力方誠義的負擔。李琪更搞笑地說：「我哋已經等咗佢好耐、好耐喇！」班尼斯今場復出，除令東方在常規賽最後一戰取勝增加本錢外，盡快適應甲一節奏，亦能為季後賽做好準備！
頭場晉龍WTS對遊協，兩隊今季都未嘗一勝，當然希望以贏波收咧！晉龍教練趙永良表示：「對球隊爭勝有信心，控衞吳直謙愈打愈好，林家滿亦出色，近仗遇實力接近的隊伍本有勝望，惜關鍵時刻未能把握，希望最後一場可以贏波！」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
