李志豪老虎收火

除「虎哥」以外，李志豪於球迷間有不少花名：「雙中李」、「442」，無不與他的出位言行有關。「以前比較內向，遇到唔啱聽說話就會反擊。試過畀Kim Sir（金判坤）話我唔認真，各不相讓要由隊友拉開。性格好難改變，我已經比以前成熟咗少少，惟獨處理人際關係仍然麻麻。」如今不再與球迷教練互罵，火爆因子仍隨身螫伏。來不及與香港球迷說再見，在標準流浪最後一戰，竟以半場暴走更衣室告終。孰是孰非俱往矣，虎哥此刻心懷感恩：「可能係我形象唔好，季前轉會流傳不少負面聲音。多謝標準流浪會長莫耀強及總監李輝立半年來的照顧，讓我有機會證明自己。」

努力改善人際關係

季前與東方分道揚鑣，貴為港隊老大哥，卻一度無班可落。虎落平陽拒低頭，兩場「中港大戰」的神勇演出，贏得中甲梅州五華聘約。吐氣揚眉了嗎？虎哥收起笑容：「我好想再次證明自己可在內地聯賽立足。內地踢波有不少場外因素，我不可以再衝動霸道，偶爾扮下鵪鶉仔也無所謂。」2013年加盟中超北京國安，3個月未嘗出賽便已打道回府，留下港式國語成笑柄。虎哥決心大翻身：「中超的訓練質素及身體對抗強度與香港有好大差別，最初的確未能適應，之後我有努力過裝備自己，可惜又因易帥令處境變得複雜。這個月一邊休息一邊做GYM，準備比上次更充足。」

歡迎球迷捧場踩場

不經不覺在港打拚17年，縱有質疑聲音，卻不得不承認，認真時的李志豪，仍是港隊首屈一指的最佳後衞——Kim Sir金判坤如是說。「我冇話基藍馬唔識踢波，不過唔叻啫。豪哥（陳偉豪）當然好波，想當年佢同我一樣都係3千蚊人工，不過我要返學，佢就要練足，你話邊個好波啲？」難分真與假的率直，也有可愛時。昔日罵聲漸變歡呼聲，33歲的虎哥直言還可踢多10年：「以前邊會有人搵我影相簽名？依家多咗球迷支持，自己也會較注意形象。無論係鬧我又好，撐我又好，歡迎大家組團上來梅州支持我！」

圖（部分受訪者提供）

文：Kaka