靚太打氣 齊出冧功

Hana （陳偉豪老婆）啜啖最實際！

「我哋兩公婆好似好忙咁，唔係佢去咗集訓就我去咗旅行，到佢放假我就去咗澳門做嘢，到我返嚟佢就要集宿！聽晚對完馬爾代夫，佢返屋企，我第日又要再去澳門，所以堅係聚少離多，所以乜都唔使講，『行動』最實際！畀心機！老公，係唔係充滿咗力量呢？」

Canmy （盧均宜老婆）橙汁做獎勵

「賽前一晚我同囡囡會同老公視像傾偈，鼓勵吓佢，希望佢努力比賽。比賽嗰晚我哋會着晒紅色衫入場撐『均宜』！撐港隊！用我哋嘅歡呼聲為佢打氣！比賽完咗，一定送上佢最鍾意嘅橙汁獎勵吓佢，哈！哈！」

Pecky （張健峰老婆）同阿仔瞓身支持

「雖然未知老公趕唔趕得切復出， 但我都會全力支持香港隊！香港隊加油！希望老公出多啲靚波，製造多啲機會畀隊友。我同阿仔Aiden同埋屋企人到時會落力啲打氣！Aiden 話最好係Daddy出個靚波畀『偉豪uncle』頂入就最好喎！咁老公同『偉豪』畀心機啦！等你哋贏咗呢場波，就可以開開心心放暑假啦！」