萬聖節扮女人夠驚嚇 大帝率騎士劏牛

首仗倒灶輸波的騎士,昨晨造訪芝加哥聯合中心與公牛上演東岸超級大戰,雙方激戰4節打成平手要加時分勝負,最後騎士憑在萬聖節不扮鬼怪扮女人的「大帝」勒邦占士(LeBron James)在加時攻入8分,以114比108勇挫有戴歷羅斯(Derrick Rose)扭傷的公牛,在超級大戰先贏一仗!

騎士首戰主場意外不敵紐約人,勒邦占士重返母會首戰表現乏善可陳,更有8次失誤。適逢萬聖節來臨,「大帝」在美國時間10月31日晚於社交網站發表自己的萬聖節造型照,只見勒邦占士身穿白色球衣,一頭黑色長髮披肩,頭頂還有一個紫色髮箍,極度惡心之餘驚嚇程度亦達到200分。然而,不知是不是扮完女人特別精神,「大帝」昨日一戰打出應有水準,轟入全場最高的36分,同時更將失誤減低至只有3次。

占士加時入8分奠勝

至於公牛王牌戴歷羅斯狀態大勇,只打3節已攻入20分,但在第2節剩下4分鐘時,「牛魔王」補籃得手後左腳落地踩中艾榮(Kyrie Irving)因而扭傷左足踝。雖然戴歷羅斯第三節一度重上戰陣,但最終仍要提早退下火線,在最後一節做觀眾。不過,公牛仍憑軒域治(Kirk Hinrich)及布魯克斯(Aaron Brooks)於該節合共攻入18分,再加上加素(Pau Gasol)及諾亞(Joakim Noah)在內線力拒騎士的進攻,兩人合共貢獻了9次封阻,成功將比賽帶入加時。可惜,加時變成「大帝」的「個人騷」,多次博得犯規下攻入8分,最終騎士以6分之差力挫公牛成功反彈。

羅斯扭傷第4節做觀眾

公牛今仗雖然輸波,但球迷最關心的仍是戴歷羅斯的傷勢,幸好「牛魔王」在賽後訪問時表示今次只是輕傷,應可在今日作客木狼一戰中上陣:「大家唔使大驚小怪,今次只係輕傷。我認為受傷係上天對我嘅考驗,不過今次係好小事,我一定可以渡過難關,我會嘗試出戰對木狼嘅賽事。」