今季NBA的焦點當然係「大帝」勒邦占士回歸騎士，同路夫及艾榮組成「三巨頭」，究竟能否創出一片新天地？而公牛今夏有加素來投，配合傷愈的戴歷羅斯及諾亞組成另一「鐵三角」，又能否於東岸脫穎而出呢？至於36歲的高比拜仁能否重拾昔日光輝亦係球迷期待的事情，加上有林書豪的加盟，湖人的表現亦屬一大看點。
筆者睇好騎士與公牛會於東岸碰頭，騎士「三巨頭」始終威力強勁；而公牛只要戴歷羅斯能健康上陣，實力可與騎士媲美。西岸方面，衞冕冠軍馬刺有柏加、鄧肯及真路比利在陣，相信唔會走樣；至於另一隊則看好雷霆，雖然杜蘭特因傷季初要缺陣，進攻點自然落在韋斯布克身上，會有助加速後者的成長。
其他可以左右大局的球隊，包括有東岸由迪羅辛及路維領軍的速龍，以及由約翰禾爾及中鋒哥達為主力的巫師，兩隊均可望打入季後賽，成績如何則要視乎球員表現。西岸方面，擁有史堤芬居里及奇利湯臣的勇士，與塘鵝的安東尼戴維斯及艾斯克的「雙塔陣」，同樣令人期待。
得分王筆者屬意安東尼及杜蘭特之爭，而活塞中鋒莫路表現日趨成熟，有望成為新籃板王；而助攻王筆者則屬意快艇控衞基斯保羅。新人王方面，韋堅斯被交易至木狼可獲更多上陣時間，絕對係好事。
永倫籃球隊教練 蔡芳裕